Babu wata al’ada, matsin tattalin arziki, ko zamantakewa da za ta iya tabbatar da wahalar da miliyoyin mata da ‘yan mata ke sha. Aikinmu shi ne mu kalubalanci wadannan labarai masu cutarwa.
A cewar Majalisar Dinkin Duniya, Mata a duniya, kimanin miliyan 736, kusan daya daga cikin uku na fuskantar cin zarafi ta jiki ko ta hanyar jima’i, a kalla sau daya a rayuwarsu, wanda ke wakiltar kashi 30 cikin dari na mata masu shekaru 15 zuwa sama, wannan adadi bai hada da cin zarafin ta hanyar jima’i ba.
- Hajji 2025: NAHCON Ta Tantance Kamfanonin Jiragen Da Za Su Yi Jigilar Alhazai Zuwa Saudiyya
- Kaduna: Gwamnatin Tarayya Ta Fara Sayar Wa ‘Yan Jarida Buhun Shinkafa A Kan Naira 40,000
Cin zarafin mata da ‘yan mata take hakkin bil’adama ne. Yana lalata ka’idodin daidaito, mutunci, da mutuntawa. Wannan tashin hankali yana daukar nau’i-nau’i da yawa-na jiki, na rai, jima’i, da kuma tattalin arziki; kuma yana faruwa a kowane yanki na duniya, ciki har da Nijeriya.
Daga cin zarafi na kud da kud zuwa ga al’adun gargajiya masu cutarwa irin su kaciyar mata, fataucin mutane, cin zarafi, yanayin cin zarafi da ya danganci jinsi dake nuna tushen rashin daidaito tsakanin al’umma.
Rahotanni sun tabbatar da cewa matan da suka fuskanci tashin hankali sun fi fama da damuwa, da kuma matsalolin damuwa tare da mummunan sakamako na dogon lokaci.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
