Manchester United ba ta sha’awar sayen tsohon dan wasan Aston Villa Anwar El Ghazi.
A ranar Litinin, rahotanni sun ce Man United na Sha’awar daukar tsohon dan wasan na PSV.
Wannan na zuwa ne bayan dangantakar Jadon Sancho da kocin Man United Erik ten Hag ta yi tsami sakamakon ce-ce-ku-ce da suka yi.
Man United a halin yanzu tana da Alejandro Garnacho da Fecundo Pellestri wadanda ke wasan gefe.
Sannan Bruno Fernandes da Mason Mount za su iya taka leda a tsakiyar fili,abinda ake tunanin shiyasa Man Utd ba tada sha’awar daukar wani sabon dan wasa a yanzu.
A halin yanzu El Ghazi bashida kungiya,tun bayan da ya bar PSV Eindhoven a karshen kakar wasan da ta gabata.
Tauraron dan kasar Holland El Ghazi ya halarci Emirates a wasan da Man United ta sha kashi a hannun Arsenal da ci 3-1.
