Buhari Ya Taya Sanata Ademola Na Jam’iyyar PDP Murnar Lashe Zaben Gwamnan Osun

Shugaban kasa Muhammadu Buhari ya taya dan takarar kujerar Gwamna a Jam’iyyar PDP murnar lashe zaben Gwamnan jihar Osun da aka gabatar a ranar Asabar, aka Bayyana sakamako a ranar Lahadi, 17 Ga Watan Yuli, 2022.

Buhari ya Bayyana haka ne a shafinsa na Kafar sada zumunta na manhajar Facebook a safiyar Ranar Lahadi.

• Atiku Abubakar, Saraki, Tambuwal Da Bala Kaura Sun Taya Adeleke Murnar Lashe Zaɓen Osun

“Ina taya Sanata Ademola Adeleke, dan takarar jam’iyyar PDP, murnar nasarar da ya samu a zaben gwamnan Osun. Al’ummar jihar Osun sun zabi ra’ayinsu ta hanyar jefa kuri’arsu.

“Wannan itace ma’anar dimokuradiyya – mutunta ra’ayin jama’a.

“Nasarar gudanar da shirin zaben Jihar Osun ya nuna isar cikar Kamala da jajircewar duk masu ruwa da tsaki, wajen karfafa sahihancin tsarin zabe a Nijeriya.

“Har kullun, zan cigaba da jajircewa matuka wajen tabbatar da barin gadon Gaskiya da gudanar da sahihin zabe a Nijeriya.” Shugaban Kasa Mummadu Buhari