A jiya Litinin ne babban gidan rediyo da talibijin na kasar Sin wato CMG, ya yi bitar shirin sa na murnar bikin bazara na shekarar 2023 karo na hudu lami lafiya, inda aka nuna sabbin shirye-shirye iri daban daban, ta hanyar amfani da fasahohin zamani.
Yayin murnar bikin bazara na bana, a karo na farko, za a nuna wasan Puxian na lardin Fujian dake kudu maso gabashin kasar Sin, wanda ke da dogon tarihi na sama da shekaru dubu daya.
A cikin ‘yan kwanaki masu zuwa kuma, masu shirya bikin murnar za su ci gaba da yin kokari, domin tabbatar da ingancin shirye-shirye, ta yadda za a samar da gaggarumin biki ga masu kallo dake fadin kasar Sin, gami da duk duniya baki daya. (Mai fassarawa: Jamila daga CMG Hausa)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
