Cutar Shakewar Numfashi Ta Kashe Mutum 25 A Jihar Kano

Kamfanin labarai na SOLACEBASE ya rahoto cewa cutar nan mai kashe kananan yara da aka fara gano ta a Kano a karshen shekarar da ta gabata, ta barke, yanzu haka ana kula da majinyata da dama wasu kuma sun rasu a Asibitin kwararru na Murtala Muhammed da Asibitin Koyarwa na Aminu Kano, AKTH, da ke jihar.

Kwararrun likitocin sun ce, cutar diphtheria cuta ce mai tsanani ta hanci da makogwaro da ake iya yin rigakafinta ta hanyar bayar da magunguna.

• Ganduje Ya Jajanta Wa Rundunar ‘Yansandan Kano Kan Gobarar Da Ta Tashi A Ofishinta

A cewar masana, alamun cutar ta shakewar numfashi (diphtheria) sun hada da: bushewar makogwaro da mawuyaciyar fitar numfashi ko fitar numfashi cikin sauri-sauri da zubar majina da zazzabi da saurin jin gajiya.

Jaridar ta gano cewa an fara samun cutar ne daga karamar hukumar Ungogo da ke Kano.

A cewar bayanan ma’aikatar lafiya ta jihar Kano da SOLACEBASE ta samu, Mutane 58 ne ake zargin sun kamu da cutar, 6 an kwantar da su sannan kuma 25 sun mutu sakamakon kamuwa da cutar diphtheria a ranar 13 ga Janairu, 2023.

Wata majiya mai tushe ta shaida wa SOLACEBASE cewa, da gano bullar cutar, Cibiyar Yaki da Cututtuka ta Kasa, NCDC, ta tura jami’ai zuwa Kano, domin binciken cutar sannan kuma su bayar da tallafin yakar cutar.

Sulaiman

+ postsBio

• Sulaiman

  Maaikatar Harkokin Wajen Sin Ta Gabatar Da Burin Sin Dangane Da Kwarya-Kwaryar Taron Shugabannin APEC Dake Tafe
• Sulaiman

  Kerry: Ya Kamata Amurka Da Sauran Kasashe Su Bi Sahun Sin Wajen Bunkasa Amfani Da Makamashi Mai Tsafta
• Sulaiman

  Baje Kolin Nuna Hotuna Tsakanin Sin Da Afrika Na Zurfafa Karfin Abota Da Dangantakar Al’adu
• Sulaiman

  An Yi Taro Na Farko Na Kwamitin Hadin Gwiwa Na Sin Da Afrika Kan Kimiyya Da Fasaha