Wasu ‘yan bindiga sun kai farmaki garin Funtua da ke karamar hukumar Funtua a jihar Katsina, inda suka kashe akalla mutum daya a daren ranar Litinin.
Wanda lamarin ya rutsa da shi, kansila ne mai wakiltar mazabar Nasarawa ta karamar hukumar Funtua, Samaila Buhari Mairago, an ce an kai masa hari ne a gidansa da ke unguwar Nasarawa a cikin garin.
- ‘Yansanda Sun Dakile Harin Da ‘Yan Bindiga Suka Kai Kan Wasu Rukunin Gidaje A Katsina
- ISWAP Ta Hallaka Kwamandan Boko Haram A Sambisa
Ba a dai bayyana dalilin kashe shi ba, amma ana zargin samun rashin nasara ne wajen kokarin yin garkuwa da shi. Da yawan masu amfani da shafukan sada zumunta sun tabbatar da harin da kuma mutuwar kansilan.
LEADERSHIP ta rahoto cewa, yankin na fama da hare-haren ‘yan bindiga akai-akai a ‘yan kwanakin nan.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
