DA DUMI-DUMI: Buhari Ya Gana Da Tinubu Da Adamu Kan Yakin Neman Zaben APC

Shugaban kasa Muhammadu Buhari ya gana da dan takarar shugaban kasa na jam’iyyar APC, Asiwaju Bola Ahmed Tinubu, da shugaban jam’iyya mai mulki ta kasa, Sanata Abdullahi Adamu, gabanin kaddamar da yakin neman zaben shugaban kasa a mako mai zuwa.

Taron ya gudana ne a fadar shugaban kasa a daren Lahadi.

• Shugaba Buhari Ya Dawo Gida Nijeriya Bayan Duba Lafiyarsa A Landan
• 2023: APC Ta Yi Sa’a Tinubu Ne Zai Lashe Zaben Shugaban Kasa – Buhari 

Taron dai na zuwa bayan da Buhari ya dawo Abuja daga birnin Landan na kasar Birtaniya, inda ya je duba lafiyarsa.

Idan zaku tuna cewa a ranar Talata ne jam’iyyar zata fara yakin neman zaben ta a hukumance.

A baya dai shugaba Buhari ya yi alkawarin cewa zai jagoranci yakin neman zaben shugaban kasa na jam’iyyar APC.