Bayan kwana biyu da tafka dirama kan zaben gwamnan Jihar Adamawa, dan takarar Gwamnan Jihar Adamawa a karkashin jam’iyyar PDP, Umaru Amhadu Fintiri ya samu nasarar yin tazarce.
Fintiri Wanda shi ne gwamnan Jihar da ke ci a halin yanzu, ya samu nasarar lashe zaben ne da kuri’u 430,869 da hakan ya ba shi damar kayar da babbar abokiyar karawarsa Aisha Ahmed Binani, ‘yar takarar Gwamnan Jihar ta jam’iyyar APC wacce ta samu kuri’u 398,788.
Babban baturen tattara sakamakon zaben gwamnan Jihar, Farfesa Mohammed Mele shi ne ya sanar da hakan tare da cewa Fintiri ne ya lashe zaben da samun kuri’u mafi rinjayen.
Fintiri dai ya lashe zaben gwamnan Jihar a zaben 2019 ya sake samun damar yin tazarce a 2023 bayan tafka dirama.
Cikakken labarin na tafe
