Da Dumi-dumi: Hukumar DSS Ta Yi Wa Ofishin EFCC Kawanya, Ta Hana Jami’an Shiga Ginin

Rahotanni sun bayyana cewa, hukumar tsaro ta farin kaya, DSS, ta wa ofishin EFCC kawanya, ta hana jami’an hukumar shiga ofishinsu dake Ikoyi, jihar Legas.

Wata majiya da ta nemi a sakaya sunanta ta shaida wa Premium Times cewa, jami’an tsaro na farin kaya, sun yi wa ginin ofishin EFCC kawanya tare da ajiye tankar yaki mai sulke a gaban ginin.

• EFCC Ta Yaye Jami’ai 115 Da Suka Samu Horo A Sansanin Horaswar ‘Yansanda

Hukumomin biyu a cewar rahotanni, sun dade suna takun-saka da juna kan mallakar ginin.

Har zuwa lokacin da ake hada wannan rahoton, jami’an DSS sun hana dukkan jami’an EFCC da ke ofishi da ke titin Awolowo, Ikoyi shiga ginin.