Dan wasan motsa jiki, dan kasar Birtaniya kuma haifaffen Nijeriya, Samson Dauda, ya lashe shahararriyar kyautar wasannin motsa jiki ta Mr. Olympia ta shekarar 2024, inda kuma ya samu kyauta mafi girma da aka taba bayarwa a tarihin wannan wasa.
Taron ya gudana ne a gidan wasan kwaikwayo na Resorts da ke Las Vegas a Amurka, wanda ya kasance wasan karshe na wasannin Olympia na shekarar 2024.
- Amurka Ta Kitsa Shirin “Volt Typhoon” Ne Da Nufin Bata Sunan Wasu Kasashe
- EIC: Masu Zuba Jari Na Kasar Sin Na Karfafa Ci Gaban Tattalin Arzikin Habasha
Fitattun ‘yan wasa 15 ne suka fafata domin lashe wannan babban kambi na zagayen karshe, inda Dauda ya samu nasara yayin da Hadi Choopan ya zo na biyu, sai kuma zakaran gasar a shekarar 2023 Derek Lunsford ya zo matsayi na uku.
Baya ga lashe kambun, Dauda ya kuma lashe kyautar gwarzon dan wasa, inda ya samu kyautar dala 600,000 kuma kudi mafi girma da aka taba bayarwa a gasar motsa jiki.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
