Shugaba Bola Tinubu ya yabawa ministan babban birnin tarayya (FCT), Barr. Nyesom Wike bisa yadda yake samar da muhimman ababen more rayuwa duk da cewa ba dan jam’iyyar APC mai mulki ba ne.
Tinubu ya bayyana haka ne a ranar Laraba a lokacin da yake kaddamar da titin Arterial Road N16 da sauran hanyoyin da suka hade titin a gundumar Katampe da ke Abuja.
- Manchester City Ta Kammala Daukar Rayan Cherki Daga Lyon
- Nan Ba Da Jimawa Ba Harkar Man Fetur Za Ta Sauya A Nijeriya – Dangote
Taron wanda ya samu halartar manyan ‘yan majalisa, da tsofaffin gwamnoni, sarakunan gargajiya, da jami’an diflomasiyya, an kaddamar da titin Arterial Road N16 a hukumance, wanda ya hada titin Shehu Shagari (Ring Road 1) zuwa Wole Soyinka Way (Arterial Road N20) a Katampe.
Tinubu ya bayyana cewa, aikin titin, wanda aka yi watsi da shi tuni duk da muhimmancin titin a cikin taswirar Abuja, amma yanzu ya kammalu a karkashin jagorancin Ministan babban birnin tarayya.
Shugaba Tinubu ya yi addu’ar Allah ya bai wa babban birnin tarayya zaman lafiya, da ci gaban Nijeriya, da kuma bai wa sojojin Nijeriya aminci.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
