Duk Da Fitar Dasu Daga Gasar Kofin Duniya, Tinubu Ya Yaba Wa Super Falcons

Shugaba Bola Tinubu ya bayyana jin dadinsa kan yadda yan wasan Super Falcons suka taka rawar gani a gasar cin kofin duniya ta mata ta FIFA.

Inda ya kara da cewar duk da fitar da su da aka yi a bugun fanareti a zagaye na 16, ya yi matukar jinjina masu.

• Kasar Ingila Ta Fitar Da Nijeriya Daga Gasar Kofin Duniya Ta Mata

Tinubu, wanda ya bayyana hakan a shafin sa na Twitter da safiyar Litinin bayan kammala wasan, ya ce sakamakon wasan Super Falcons ya sanya Nijeriya alfahari a fagen wasan kwallon kafa a Duniya.

“Dole ne in yaba kokarin Super Falcons a gasar cin kofin duniya ta mata ta FIFA.

Duk da rashin nasararku kwazonku ya sa kun sanya Nijeriya alfahari a fadin Duniya”. Inji Tinubu