Tsohon dan majalisar dattawa, Sanata Shehu Sani ya zargi Gwamnan Jihar Kaduna, Nasir El-Rufai da taimakawa na matsalar rashin tsaro a fadin Jihar Kaduna.
Shehu Sani ya bayyana hakan ne a wata zantawa da ya yi da gidan talabijin na Arise TB, inda aka tabo batun wasikar da gwamnan ya aika wa shugaban kasa a kwanakin baya.
Ya ce Gwamna El-Rufai ya shaida wa duniya gazawarsa a wannan wasika da ya rubuta zuwa fadan shugaban kasan, bayan a baya ya yi ta boye matsalar.
A cewarsa, a cikin koke-koken da El-Rufai ya yi wa Shugaba Kasa Muhammadu Buhari babu wani sabon abin da ba a ankarar da gwamnati ba tun a baya.
Shehu Sani ya ce a lokacin da ya bijiro da matsalar a majalisa, El-Rufai ya nuna ana ruruta lamarin, sai ga shi yau ana kukan ‘yan ta’dda na neman kafa gwamnati a kasar lamarin da yake san zama abin kunya ga kasar baki daya.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
