Shugaban kasar Equatorial Guinea Teodoro Obiang Nguema Mbasogo ya yaba da kyakkyawar rawar da kasar Sin ke takawa a bunkasuwar kasarsa, inda ya ce, kasarsa na nuna cikakken goyon baya ga shawarwarin da kasar Sin ta bayar wajen inganta ayyukan tafiyar da harkokin duniya, kuma za ta yi kokarin daukaka huldar kasashen biyu zuwa wani sabon matsayi.
Shugaban ya bayyana haka ne a lokacin da ya karbi takardar nadin Wang Wengang a matsayin jakadan kasar Sin a Equatorial Guinea.
- Xi Ya Jaddada Bukatar Samun Cikakkiyar Nasara Wajen Yaki Da Cin Hanci Da Rashawa
- Jarin Da Sin Ta Zuba A Bangaren Sufuri Ya Karu A Cikin Watanni 11 Na Farkon 2023
A jawabinsa Wang Wengang ya ce, Sin da Equatorial Guinea sun cimma manyan nasarori a huldar abokantaka ta hadin gwiwa dake tsakaninsu, kuma Sin za ta yi kokarin karfafa dankon zumunta da hadin gwiwar cin moriyar juna tare da kasar Equatorial Guinea.
Wang Wengang ya isa kasar Equatorial Guinea a ranar 31 ga watan Disamban bara, inda ya fara aiki a matsayin jakadan kasar Sin a kasar.(Lubabatu)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
