Kasar Faransa ta lallasa Morocco da ci 4-0 yayin da ta kawo karshen mafarkin da kasar ta Afirka ke yi na zuwa mataki na kusa da karshe.
‘Yar wasa Eugenie Le Sommer ce ta zira kwallaye biyu a ragar Morocco a gasar kofin duniya na Mata ta shekarar 2023 da ake buga wa a kasar Australiya.
Tun a rabin farko na wasan, Kadidiatou Diani, Kenza Dali da kuma Le Sommer ne suka zura kwallaye Uku a ragar Morocco kafin tafiya hutun rabin lokaci.
Bayan dawowa hutun rabin lokaci Le Sommer ta kara ta biyu kuma ta hudu ga kasar Faransa a minti na 70.
Yanzu Faransa za ta kara da mai masaukin baki Australiy a matakin Kwata Fainal a Brisbane a ranar Asabar.
Morocco dai ta yi fatan zama ta farko a nahiyar Afirka da ta yi nasarar lashe gasar cin kofin duniya ta mata.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
