Kungiyar kwallon kafa ta Liverpool ta ci gaba da zama ta daya a teburin gasar Firimiya ta kasar Ingila bayan da suka doke Chelsea da ci 4-1 a filin wasa na Anfield.
Chelsea wadda ta fara wasan da zimmar samun maki domin ci gaba da farfadowa a gasar ta Firimiya, ta kare wasan a matsayi na 10 akan teburin gasar.
- Hukuncin Zaben Adamawa: Na Rungumi Kaddara – Binani
- ‘Yansanda Sun Kama Dan Bindiga, Sun Ki Karbar Cin Hancin Miliyan 8 A Taraba
Diogo Jota, Conor Bradley, Sodbozslai da Luis Diaz ne suka jefawa Liverpool kwallaye 4 a ragar Chelsea, inda sabon dan wasan Chelsea Christopher Nkunku ya farke mata kwallo daya tilo a wasan.
Hakan yasa Liverpool wadda take bankwana da koci Jurgen Klopp ta dare akan teburin gasar Firimiya da maki 51, maki biyar tsakaninsu da Manchester City dake matsayi na biyu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
