Akalla fasinjoji 20 ne a cikin wata mota kirar bas mai daukar mutum 18 suka rasu bayan ta yi hatsari daga Yaba zuwa Legas.
Fasinjojin sun dawo ne daga wajen wata walima da suka halarta a Jamhuriyar Benin, inda hatsarin ya rutsa da su a yankin Badagry da ke jihar.
- BUK Ta Karrama Farfesa Rasheed Bayan Ya Shafe Shekaru 7 A Hukumar NUC Ta Kasa
- NiMet Ta Yi Hasashen Samun Zazzafar Rana A Gobe Talata A Jihohin Kano, Katsina Da Sokoto
An ruwaito cewa, motar kirar bas din makare ta ke da fasinjojin wanda a cikinta har da direban motar da yaron motar duk sun rasa rayukansu.
Kakakin hukumar kiyaye hadura jihar (LASTMA), Taofiq Adebayo ya tabbatar da aukuwar hadarin, inda ya ce hatsarin ya auku ne da safiyar yau Litinin da misalin karfe 9 na safe a yankin Age-Mowo daura da Mowo da ke a kan babbar hanyar Legas zuwa Badagry.
Ya bayyana cewa, hatsarin ya auku ne da mota kirar bas Mazda ta sufuri da kuma wata babbar mota da ta dauko yashi yayin da bas din ta kwace wa direban a lokacin da ya ga babbar motar ta tunkaro motarsa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
