Gobara ta kone gidan kakakin majalisar dokokin jihar Zamfara, Alhaji Bilyaminu Moriki da ke Gusau.
Hakan na kunshe ne cikin wata sanarwa da babban sakataren yada labaran majalisar, Bello Madaro ya fitar a Gusau ranar Lahadi.
- Farashin Gas Din Girki Ya Haura Zuwa Naira 1,500 Duk Kilo
- Haɗama, Son Kai Da Jahilci Ne Sanadin Wahala A Nijeriya – Obasanjo
Madaro ya rahoto mai kula da Majalisar, Mahmud Aliyu, yana bayyana iftila’in a matsayin jarrabawa.
Aliyu ya ce, gobarar ta lalata kadarori na miliyoyin Naira duk da cewa ba a yi asarar rai ba.
Aliyu ya bukaci kakakin majalisar da iyalansa da su dauki lamarin a matsayin wani aiki ne na Ubangiji da Allah ya kaddara.
Ya yi addu’ar Allah ya kiyaye faruwar lamarin a nan gaba, ya kuma kara da cewa, “a madadin daukacin ma’aikatan Majalisa, muna jajanta wa kan wannan mumunar lamarin.”
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
