Gwamna Dauda Lawal na jihar Zamfara a ranar Alhamis, ya nemi hadin guiwa da aiki tare a tsakanin hukumomin tsaro a jihar.
Gwamnan ya bayyana haka ne a lokacin da yake jagorantar taron majalisar tsaro ta jihar Zamfara a zauren majalisar da ke gidan gwamnati, Gusau.
- Gwamna Radda Ya Yi Allah Wadai Da Hare-haren ‘Yan Fashin Daji A Jihar Katsina
- Ba Mu Janye Tsofaffin Takardun Naira Ba – CBN
A cewar wata sanarwa da mai magana da yawun gwamnan jihar, Sulaiman Bala Idris ya fitar, ya ce, majalisar ta tattauna muhimman batutuwan tsaro da ke addabar jihar.
Bugu da kari, Gwamnan ya jaddada bukatar shugabannin jami’an tsaron su hada kai tare da musayar bayanan sirri domin samun nasarar da ake bukata wajen yakar ‘yan fashin dajin.
