Gwamnan jihar Bauchi Bala Muhammad ya sallami shugaban ƙaramar hukumar Alƙaleri Hon. Kwamared Bala Ibrahim da mataimakinsa daga muƙamansu.
Korar ta fara aiki ne nan take ba tare da ɓata wani lokaci ba a cewar fadar gwamnatin jihar.
- Kwamishinan Bauchi Ya Rasu A Hatsarin Mota
- Guguwa Mai Karfi Ta Yi Ajalin Mutum 4 A Kasuwar Baje Koli A Bauchi
A wata wasiƙa da ta fito a ranar Alhamis mai ɗauke da sa hannun sakataren gwamnatin jihar Bauchi Barista Ibrahim Muhammad Kashim, ta nuna cewa “An sallami shugaban riƙon kwarya na ƙaramar hukumar Alƙaleri tare da mataimakinsa baki ɗaya.”
Tuni aka aike da wasiƙar sallamar zuwa ga babbar sakatariyar ma’aikatar ƙananan hukumomi da masarautar gargaji ta jihar Bauchi domin sanar da ma’aikatar wannan matakin.
Sai dai wasiƙar ba ta yi cikakken ƙarin haske kan dalilin ɗaukan wannan matakin ba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
