Gwamna Muhammad Badaru Abubakar ya amince da nadin Muhammad Hameem a matsayin sabon Sarkin Dutse.
Ya gaji Nuhu Muhammad Sunusi, wanda ya rasu a wani asibiti da ke Abuja a makon jiya.
- Allah Ya Yi Wa Sarkin Dutse, Alhaji Nuhu Sunusi, Rasuwa
- Buhari Ya Yi Ta’aziyyar Rasuwar Sarkin Dutse, Dakta Nuhu Sunusi
An rawaito cewa masu ruwa da tsaki wurin zabar Sarakunan Dutse sun zabi sabon Sarkin baki daya a cikin ‘yan takara uku da ke neman kujerar sarautar.
Sanarwar da Majalisar Masarautar ta fitar ta ce an mika sunan sabon Sarkin ga Majalisar Sarakunan Jihar Jigawa wadda ita ma ta amince da hukuncin da sarakunan suka dauka, amma ta aike da sunayen sauran wadanda suka tsaya takara biyu ga gwamna domin amincewarsa.
“Daga baya gwamna ya amince da Muhammad Hameem Nuhu Sanusi a matsayin sabon sarkin Dutse daga yau 05/02/2023,” cewar sanarwar.
