Wani matashi a jihar Adamawa, ya kashe wani mutum, saboda ya haske idon mahaifiyarsa da cocila.
Yanzu haka dai matashin mai suna Garga Joggi, na garkame a hannun ‘yansanda kan wannan zargi na kashe makocin nasa mai suna Umaru Sanda.
Garga Joggi, mai kimanin shekara 20 na zaune ne a kauyen Waltadi da ke karamar hukumar Song, ya yi sanadiyyar mutuwar Umaru Sanda ranar 20 ga wannan watan.
Wanda ake zargin ya yi kisan ne saboda an kashe wa mahaifiyarsa ido da cocila, wanda kuma a lokacin suna tare da wasu mata.
Jami’in hulda da jama’a na rundunar ‘yansandan jihar, SP Suleiman Nguroje, ya tabbatar da faruwar wannan lamari na daba wa Umaru wuka wanda kuma ya yi sanadiyyar mutuwarsa.
Kamar yadda Nguroje ya bayyana cewa, marigayin ne ya fara takala, har ta kai ga faruwar wannan lamari,
