Gwamnan Katsina Ya Yi Wa Ma’aikatan Jihar Ƙarin ₦10,000 Kan Albashi, ‘Yan Fansho ₦5,000

Gwamna Dikko Radda na jihar Katsina ya amince da ba da kyutar N10,000 ga dukkan ma’aikatan jihar da N5,000 ga masu karbar fansho don rage radadin cire tallafin man fetur.

Mai taimaka wa Gwamnan a harkokin yada labarai, Mista Ibrahim Kaula-Mohammed, ne ya bayyana a ranar Alhamis a Katsina, shi ma shugaban ma’aikatan jihar, Alhaji Usman Isyaku ya bayar da tabbacin samun karin albashin ma’aikatan.

• Gwamna Radda Ya Yi Allah Wadai Da Hare-haren ‘Yan Fashin Daji A Jihar Katsina 
• Zargin Daura Aure Da Mai Kanjamau: Gwamna Radda Ya Tube Hakimi

Kaula-Mohammed ya ce: “Wannan wani mataki ne na cika alkawarin da gwamnan ya yi na bullo da matakai a hankali don rage radadin cire tallafin fetur,” in ji Kaula-Mohammed.

Ya kara da cewa za a sake biya kudin a watan Janairun 2024.