Cibiyar Yaƙi da Ta’addanci ta Ƙasa, ta ce sama da tubabbun mayaƙan Boko Haram 5,000 ne suka kammala shirin sauya tunani kuma an sake haɗa su da iyalansu.
Shugabar shirin hana da yaƙi da matsanancin tsattsauran ra’ayi, Jakadiya Mairo Musa Abbas, ta bayyana hakan a taron gwamnonin yankin Tafkin Chadi.
- Tsohon Shugaban Google: Deepseek Ya Kawo Muhimmin Sauyi A Bangaren AI
- Isra’ila Ta Dakatar da Sakin Fursunonin Falasɗinawa Duk da Yarjejeniyar Tsagaita Wuta
Ta ce tsoffin mayaƙan sun shafe watanni shida ƙarƙashin shirin gyaran hali na “Operation Safe Corridor,” inda aka koyar da su sana’o’i don taimaka musu su ci gaba da rayuwa a cikin al’umma.
Haka nan, ta jaddada muhimmancin shirin “Borno Model,” wani yunƙuri na Jihar Borno da ke taimakawa wajen sake shigar da mutanen da suka tuba cikin al’umma.
Ta kuma yi kira ga gwamnonin yankin Tafkin Chadi da su haɗa kai don samun nasara a wannan yunƙuri.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
