Gwamnatin Jihar Filato ta sanar da sassauta dokar hana fita a yankin Jos zuwa Bukuru.
Yanzu mazauna yankin za su iya iya zirga-zirga daga karfe 2 na rana zuwa 6 na yamma kowace rana.
- ’Yansanda Sun Cafke Karin Mutane 82 Kan Zanga-zangar Yunwa A Jigawa
- Gwamnatin Zamfara Ta Ƙaryata Ware Biliyan 19 Don Sanya Wa Lawal Kayan Girki
Wannan ya biyo bayan samun daidaituwar yanayin tsaro a yankin, kamar yadda gwamnan jih6ar, Caleb Manasseh Mutfwang, ya tabbatar.
Gwamna Mutfwang, ya yanke shawarar sassauta dokar bayan tuntubar jami’an tsaro.
Ya jaddada muhimmancin samun kwanciyar hankali kuma bin doka da oda a jihar.
Gwamnan ya kuma yi kira ga mazauna yankin Jos-Bukuru da su hada kai da jami’an tsaro wajen tabbatar da zaman lafiya a yankin.
Ya yaba da hadin kan jama’a wajen bin dokar, inda ya bayyana jajircewar gwamnatin jihar wajen tabbatar da tsaro da walwalar jama’a.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
