Gwamnatin Jihar Kano ta karyata rahoton bullar cutar kwalara a jihar.
Cibiyar Dakile da Cututtuka Masu Yaduwa ta Kasa (NCDC), ta ayyana Kano a cikin jihohi 31 da cutar ta barke.
- El-Rufai Ya Maka Majalisar Kaduna A Kotu Kan Zargin Karkatar Da Biliyan 432
- Yaƙi Da Ƙwaya: An Amince Wa NDLEA Siyo Manyan Makamai
Sai dai kakakin ma’aikatar lafiya ta Kano, Ibrahim Abdullahi, ya bayyana cewar cutar ba ta barke a jihar ba.
Ya ce, “A binciken da muka yi kawo yanzu babu cutar kwalara a Kano. Ba mu da ko mutum daya da ya kamu da cutar.
“Mun ga rahotannin a kafafen yada labarai amma babu ko mutum daya da ya kamu da cutar.”
Ya zuwa yanzu mutane 30 ne daga kananan hukumomi 96 a jihohi 30, aka tabbatar sun rasu, yayin da aka ruwaito cewar mutane 13 daga Kano sun kamu da cutar, sannan mutum daya ya rasu.
A cewar hukumar, ya zuwa yanzu, adadin wadanda suka mutu ya kai 34 yayin da aka tabbatar adadin wadanda suka kamu da cutar zuwa 1,288.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
