Gyaran Jiki Domin Fata Ta Yi Laushi

Assalamu alaikum masu karatu, barkanmu da sake haduwa da ku a wannan makon a cikin shirin na mu mai farin jini da albarka na Ado Da Kwalliya.

A yau shafin na mu zai zo muku da yadda za ku gyara fatarku ta yi laushi fa sheki:

Kayan hadi:

Man zaitun, lalle, kur-kur, madara ta ruwa

Yadda za ki hada:

Za ki hade wadannan kayan hadin guri daya, sai ki kwaba su ki shafe jikinki da fuskarki, za ki yi wannan hadin kafin ki shiga wanka. Idan ya bushe a jikinki sai ki murje sannan sai ki shiga wanka, za ki ga jikinki yana yin kyau ya yi sheki

Wani hadin 2:

Wannan hadin shi ake cewa kafi turawa

Kayan hadin:

Kur-kur, dulka, zuma, kwai, da lemun tsami

Yadda za ki hada

Ki hade su guri daya ki samu ki kwaba kamar yadda ake kwaba lalle, amma ya fi kwabin lalle ruwa, sai ki shafe fuskarki Idan kuma har da jiki kike so, sai ki shafa har da jiki bayan awa daya sai ki shiga wanka za ki ga yadda jikinki zai goge

Wani hadin 3

Kayan hadi:

Lalle, kwaiduwar kwai guda 3 (yellow ), manja cokali 3 da kur-kur

Yadda za ki hada:

Sai ki kwaba su guri daya ki shafe jikinki zuwa awa daya sai ki yi wanka da ruwan dumi ki shafe jikinki da ita sai ki kuma yin wanka.

Gyaran fuska:

Kayan hadi:

Sabulun dettol, sabulun, Ghana, garin zogale da farar albasa:

Sai ki hade su guri daya ki kirba su cikin turmi, ki mulmula ki rinka wanke fuska, shima za ki ga yadda fuskar ki za ta yi

Gyarar fuska 2

Wannan hadin wanda yake sa fuska ta yi haske da annuri ta kuma kore kurajen fuska.

Bawon kankana

A samu bawon kankana sai a rika goge fuska da shi yana gyara fuska ta yi sumul Gyaran fata 1

Lemun tsami, bawon kwai, da kur-kur

Yadda zaki hada:

Za ki hade su guri daya ki daka, sai ki rika wanka da shi, nan ma fatarki za ta goge ta yi kyawun gaske.

Gyaran fata 2

Kayan hadi:

ganye magarya da sabulun salo:

Za ki daka ganyan magarya sai ki zuba a cikin sabulun salo ki rinka wanka, yana gyara jiki

Gyaran fata 3

Kayan hadi:

Ganyan magarya, man zaitun da man habbatussauda

Ana daka ganyan magarya a zuba cikin man zaitun da man habbatussauda shi ma yana gyaran

Gyaran fata 4:

Kayan hadin:

Lalle, garin ridi:

Ana amfani da lalle kafin shiga wanka sai ki kwaba ki zuba garin ridi ki shafe jikinki zuwa awa daya sai ki yi wanka.