Hadin Lemo Na Kayan Marmari

Assalamu alaikum masu karatu barkammu da sake saduwa a wannan makon a cikin wani sabon shirin namu mai farin jini da albarka na Girki Adon Mata.

Yau kuma za mu yi magana ce a akan yadda ake hadin kayan marmari.

Ga irin abubuwan da uwargida za ta tanada idan za ta hada shi wannan Lemon; Tuffa, Ayaba, Dabino, kwakwa, Nono ko Fresh Milk:

Da farko za ki wanke Tuffar sai ki samu dan bowl haka ki yayyanka ta kanana a ciki, sannan Ayaba itama ki cire mata bawo sai ki yayyanka ta, sai kuma kwakwa kwallo daya suma Ayaba Tuffa dai-dai za ki sa sai ki bare kwakwar ki wanke ta ki samu ‘Greeter’ ki yi Greeting dinta a tsaitstsaye sannan dabino shi ma ki yayyan ka shi kanana, kowanne ki yayyanka su sai ki samu wani bolw mai dan girma sai ki fara zuba Tuffar da kika yayyanka a ciki, sannan Ayaba itama ki zuba sai dabino shi ma ki zuba sai kwakwa ita ma ki zuba kin ga kin hade su waje daya kenan sai ki juya su su hade gaba daya ko ina ki gauraya su sannan ki dakko wannan nonon da kika tanada ko fresh milk sai ki barbada a kai sannan ki jujjuya shi za ki ga yadda abin ya yi kyau gwanin sha’awa a sha dadi lafiya gaskiya yana da dadi so sai.