Hajji 2022: Maniyyaciya ‘Yar Nijeriya Ta Rasu A Saudiyya

Wata Maniyyaciya ‘Yar Nijeriya mai suna Hajiya Aisha Ahmad ta rasu a yau Laraba sakamakon rashin lafiya a kasar Saudiyya.

Aisha Ahmad daga karamar hukumar Keffi a jihar Nasarawa take, ta rasu ne bayan ta yi fama da gajeruwar rashin lafiya kamar yadda Alhaji Idris Al-makura, babban sakataren hukumar jin dadin alhazai ta jihar Nasarawa ya bayyana.

• Hajjin Bana: Sawun Farko Na Maniyata Aikin Hajji 430 Sun Ta Shi Daga Kebbi

Al-Makura ya shaidawa Kamfanin Dillancin Labarai na Nijeriya NAN a ranar Laraba a birnin Makkah na kasar Saudiyya cewa marigayiyar ba ta da wata takardar shaidar rashin lafiya kafin tashinta daga Nijeriya zuwa Kasa Mai Tsarki.

“Marigayiyar ta fara rashin lafiya ne kwana biyu da suka gabata a Madina.

“An fara kai ta Asibitin Hukumar Alhazai ta kasa da ke Makkah, sannan daga nan aka kai ta Asibitin Sarki Abdulaziz inda Allah ya karbi rayuwarta a can. An sanar da danginta kan rasuwarta yadda ya kamata.” Inji Al-makura

Sulaiman

+ postsBio

• Sulaiman

  Ana Gudanar Da Taron Masana Ilmin Harkokin Kasar Sin Karo Na Uku
• Sulaiman

  Sin: Ya Kamata Tarayyar Turai Ta Dubi Huldar Tattalin Arziki Da Ciniki Tsakaninta Da Sin Bisa Daidaito
• Sulaiman

  An Gudanar Da Taron “Tattaunawar Magadan Garuruwa Na Duniya Na 2026” A Birnin Beijing
• Sulaiman

  2027: Kasancewa Ɗan Arewa Kaɗai Ba Zai Tabbatar Da Samun Ƙuri’u Ba – Baba-Ahmed