Hukumar Jin dadin alhazai ta Jihar Kano ta tabbatar da rasuwar wata mahajjaciya mai suna Hadiza Isma’il, yar asalin karamar hukumar Madobi a kasar Saudiyya.
Hadiza Isma’il, ta rasu a ranar Litinin da misalin karfe 3:15 na rana agogon Saudiyya, bayan ta yi fama da gajeruwar rashin lafiya kamar yadda sanarwar shugaban tawagar manema labarai na Hajjin bana fitar, Sanusi Bature Dawakin-Tofa.
- Abba Gida-Gida Ya Bai Wa Alhazan Kano 6,166 Kyautar Miliyan 65
- Hajjin 2023: Maniyyata 156 Ba Za Su Samu Tashi Daga Jihar Kano Ba
Sanarwar ta ce, an kai matar mai shekaru 58 a asibitin NAHCON domin jinyar zazzabi kafin a kai ta asibitin Sarki Abdulaziz da ke Makkah inda aka tabbatar da rasuwarta.
Tuni dai aka binne ta a garin Makkah bayan yi mata sallar jana’iza a masallacin Haramin Makkah.
Babban Daraktan Hukumar Jin Dadin Alhazai na Jihar Kano, Alhaji Laminu Rabiu Danbappa ya mika sakon ta’aziyyarsa a madadin hukumar da Gwamnati ga iyalan mai rasuwar, ya kuma yi addu’ar Allah ya jikanta da rahama, ya kuma baiwa iyalai hakurin rashinta.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
