Gwamnan Zamfara Ya Rage Yawan Adadin Ma'aikatun Jihar Daga 28 Zuwa 16

LABARAI MASU NASABA

2027: ’Yansanda Sun Gargaɗi Jam’iyyun Siyasa Kan Haifar Da Rikici A Sakkwato

Gwamna Yusuf Ya Umarci Jami’an Tsaro Su Gano Waɗanda Suka Kashe Danshagamu

Gwamnan jihar Zamfara, Dauda Lawal, ya rattaba hannu kan rage ma’aikatun gwamnatin jihar daga 28 zuwa 16, don Farfado da tattalin arzikin Jihar.

Hakan ya fito ne a wata sanarwa da aka fitar ranar Alhamis ta hannun mai magana da yawun gwamna Lawal, Sulaiman Bala Idris.

Bikin Sallah: Dauda Lawal Ya Taya Musulmi Murna, Ya Nemi A Dage Da Addu’a
‘Yan Sa-Kai Sun Kashe Mutum 6 A Zamfara

Sabbin ma’aikatun da aka amince da su sun hada da ma’aikatar Noma, Kasafin Kudi da Kimiyya da Fasaha, Muhalli da Albarkatun Kasa, Kudi, Lafiya da Kasuwanci da kuma Ciniki da Masana’antu,

Sauran su ne Ma’aikatar Watsa Labarai da Gidaje da Raya Birane da Ma’aikatar kananan hukumomi da masarautu sai ma’aikatar Al’amuran Addini da Ma’aikatar Harkokin Mata da ta Ayyuka da kuma ma’aikatar Matasa da Wasanni da ta Tsaron Cikin Gida.