Assalamu alaikum masu karatu, barkanmu da sake haduwa da ku a wannan makon cikin shirin namu mai farin jini da albarka na Girki Adon Mata.
A yau shafin na mu zai koya muku yadda ake hallaka kwabo
- Dakatar Da Harajin Shigowa Da Abinci: Gwamnati Za Ta Yi Asarar Kudin Shiga Naira Biliyan 188.37Â
- Takaitaccen Nazari A Kan Noman Nau’o’in Abinci 7
Abubuwan da uwargida za ta tanada:
Gyada Da Sikari
Yadda ake hadawa
Za ki samu gyadarki ki gyara ta, sannan ki dora abin suya a wuta sai ki zuba gyadar a cikin sai kidan rage mata wuta ki rika soyata sama sama idan ta dakko soyuwa sai ki sauke ta ki zuba a tire sannan ki dakko turmi ki zuba a ciki ki dan daka ta samasama Saboda bawan ya fita ta yadda za ki ji dadin bushe ta sai ki zube ta a faranti, sannan ki bushe bawon ya fita gaba daya, sai ki sake mai da ita a turmi ki daka ta sosai, amma bawai laushi za ta yi ba, ki yi ta kamar ta miya.
Daga nan sai ki dora abin suyarki a wuta ki zuba sikari kamar kofi biyu ki rage wuta sosai sai yi ta juyawa har sai ya narke ya koma kamar ruwa, sannan sai ki dauko wannan gyadar ki zuba ki yi ta juyawa kina kwabawa kina gaurayawa zakiga ya hade jikinsa ya zama kalar ruwan kasakasa wato (Brown) a turance,
Sai ki sauke ki samu tire mai fadi ki dan shafa masa mai kadan haka sai ki zuba shi ciki ki baza kina dawo da shi kina lelayashi har ya yi daidai tudun ko kaurin yadda kike bukata sai ki barshi ya sha iska yadda za ki iya yanka shi, sai ki yayyaka shi daidai girman yadda kike so. Asha dadi lafiya.
