Kungiyar kwallon kafa ta Liverpool za ta karbi bakuncin takwararta ta Manchester City a filin wasa na Anfield, a wasan mako na 28 na gasar Firimiya Lig ta bana.
Dukkan kungiyoyin suna taka rawar gani a kakar wasa ta bana, inda Liverpool ke matsayi na biyu a kan teburin Firimiya, yayin da Manchester City ke bimata a matsayi na uku.
- Abinda Ya Kamata Ku Sani Dangane Da Wasan Manchester United Da Manchester City
- Liverpool Ta Lashe Kofin Carabao Karo Na 10 Bayan Doke Chelsea A Wembley
A cikin Liverpool da Manchester City duk wadda ta samu nasara za ta dare kan teburin gasar Firimiya wanda Arsenal ke jagoranta a halin yanzu bayan doke Brentford a yammacin jiya Asabar.
Har yanzu Liverpool na fama da rauni a tsakanin yan wasanta, inda mai tsaron ragarta Alison Becker, Joel Matip, Diogo Jota da Thiago Alcantara duk suke fama da raunuka.
