Yau Lahadi 24, ga Satunba 2023 za a buga wasan da masu sha’awar kallon kwallon kafa ke kira da London Derby, wato wasa tskanin manyan kungiyoyin kwallon kafa biyu Arsenal da Tottenham Hotspur.
Wasan yana daukar hankalin masu sha’awar kallon kwallon kafa da ke fadin Duniya.
- Hasashe Yadda Wasan Manchester United Da Burnley Zai Kaya
- Cristiano Ronaldo Ya Zura Kwallaye Uku Rigis A Wasansu Da Al Ahl
Duba da cewar dukkan kungiyoyin biyu babu kanwar lasa a cikinsu matukar ana magana ta iya taka leda.
Kungiyoyin biyu wadanda dukkansu suke a babban birnin London na kasar Ingila,sun shahara a fannin kwallon kafa.
Arsenal da Tottenham sun hadu sau 189 a tarihi,inda Arsenal ta samu nasara sau 78 aka yi canjaras sau 51 inda kuma Tottenham samu nasara har sau 61.
Zuwa yanzu Tottenham tana matsayi na biyu da maki 13 yayinda itama Arsenal take da maki 13 a matsayi na hudu akan teburin gasar Premier League ta bana.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
