Don rage radadin yunwa da matsin tattalin arziki da rage tasirin tsadar kayan abinci a kasa, hukumar kwastam a Nijeriya, a ranar Talata, ta sanar da shirinta na raba kayan abincin da samu nasarar kwatowa.
LEADERSHIP ta rawaito cewa haramtattun kayayyakin abincin da jami’an hukumar suka kama sun hada da shinkafa da man gyada da taliyar yara da sauran kayayyaki da dama.
Jami’an Kwastam Sun Kama Manyan Motoci 15 Maƙare Da Kayan Abinci A Sokoto
Hukumar, a cikin wata sanarwa da jami’in hulda da jama’a na kasa, Abdullahi Maiwada, ya rabawa manema labarai a ranar Talata, ta ce ta dauki matakin ne a don magance kalubalen da ake fuskanta a halin yanzu na tsadar kayan abinci a Nijeriya.
Ya ce, za a tabbatar da ingancin kayayyakin ga hukumomin da abin ya shafa za su iya amfani da su, sannan kuma za su isa ga ‘yan Nijeriya ta hanyar rarraba su a yankunan da hukumar kwastam ke gudanar da ayyuka a fadin Nijeriya.
Maiwada ya ce, za a bi hanyoyin da suka dace wajen raba kayan, za a tabbatar da gaskiya da adalci wajen rabon kayan ga jama’a.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
