JAMB Ta Dakatar Da Rijistar DE Ta 2023

Hukumar shirya jarabawar shiga makarantun gaba da sakandire ta kasa (JAMB) ta dakatar da gudanar da rijistar DE ta shekarar 2023, wacce aka fara a ranar Litinin, 20 ga watan Fabrairu, 2023.

Dakatarwar, a cewar sanarwar da Dakta Fabian Benjamin, shugaban sashen hulda da jama’a da kuma ka’idojin hukumar ta JAMB ya fitar a ranar Talata, yace an yi ta ne domin a ba da damar aiwatar da wasu tsaruka, wadanda aka tsara don kyautatawa masu son yin rajistar.

Idan dai ba a manta ba Hukumar ta fara rajistar DE ne a ranar Litinin 20 ga Fabrairu, 2023, zuwa ranar Alhamis 20 ga Afrilu, 2023.