An yi nasarar kashe wani ɗan bindiga yayin da jami’an tsaro suka kuɓutar da mutane 10 da aka sace a wani samame na haɗin gwiwa a karamar hukumar Musawa ta jihar Katsina.
Waɗanda aka ceton da suka haɗa da mata shida da maza huɗu, an yi garkuwa da su ne daga kauyukan Kiroro, Kabbi, da Dogon Marke da ke karamar hukumar ta Musawa.
- Ƴan Bindiga Sun Kashe Mutane 4, Sun Sace 45 A Katsina
- Sin Ta Fitar Da Takardar Matsayarta Kan Alakar Tattalin Arziki Da Amurka
A cewar sanarwar da kwamishinan tsaron cikin gida da harkokin cikin gida na Katsina, Nasir Mua’zu ya fitar, an kai samamen ne da misalin karfe 10 na daren ranar 8 ga watan Afrilu a kauyen Gidan Marke.
Bisa ga sahihan bayanan sirri da mazauna yankin suka bayar, aka kaddamar da harin ceton a karkashin hadin gwiwar jami’an tsaro na ‘yansanda da ‘yan sa-kai (C-Watch) da yammacin ranar Litinin da daddare.
Mua’zu ya kara da cewa, samamen ya yi sanadin kashe dan bindiga daya tare da ceto duk wadanda aka yi garkuwa da su, wadanda tuni aka hada su da iyalansu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
