Gwamnatin kasar Sin ta taya Nangolo Mbumba murnar zama shugaban kasar Namibia.
Kakakin ma’aikatar harkokin wajen kasar Sin Wang Wenbin ne ya sanar da hakan yayin taron manema labarai na yau Talata, inda ya ce ya yi ammana karkashin shugabancin Nangolo Mbumba, Namibia za ta ci gaba da rike kuzarin na neman ci gaba da cimma sabbin nasarori a tafarkin raya kanta.
Ya kuma bayyana cewa, kasar Sin na daukar dangantakarta da Namibia da matukar muhimmanci, kuma a shirye take ta hada hannu da ita wajen zurfafa musaya da hadin gwiwa a bangarori daban daban da daukaka muhimmiyar dangantakar hadin gwiwa dake tsakaninta da Namibia zuwa sabon mataki. (Fa’iza Mustapha)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
