Kotu Ta Hana Belin Wadanda Ake Zargi Da Kisan Dan Sanata Na’Allah

Mai Shari’a A. A. Bello dake Babbar kotu mai zama a jihar Kaduna yaki bayar da belin wadanda ake tuhuma da kashe marigayi Abdulkarim dan Sanata Bala ibn Na’Allah. 

Bello ya kuma bayar da umarni a cigaba da tsare su a gidan gyara hali, inda ya kara da cewa, wadanda ake tuhumar babu wata alamar suna fama da rashin lafiya bayan an gurfanar da su a gaban kotun.

• INEC Ta Nanata Wa’adin Mika Sunayen ‘Yan Takarar Shugaban Kasa

Ya kuma sa ranar 27 ga watan Yuli don cigaba da sauraron karar.

In za a iya tunawa, wadanda kotun ke tuhuma, ana zargin su ne da yiwa Abdulkarim fashi da makamin wasu kayansa masu tsada ciki harda wayarsa Samsung da na’ura mai kwakwalwa samfarin Apple tablet da kuma motarsa kirar Lexus G5-350 2013 bayan sun caka masa Wuka.