Wata Kotun Shari’ar Musulunci ta Jihar Kano ta yanke hukuncin kisa ta hanyar rataya ga wani matashi dan shekara 38, Shafi’u Abubakar, bisa samunsa da laifin cinna wuta a wani masallaci a kauyen Gadan da ke karamar hukumar Gezawa a jihar a ranar 15 ga Mayu, 2024, wanda ya yi sanadin mutuwar mutane 23.
Alkalin kotun, Malam Halhalatu Khuza’i-Zakariyya, a hukuncin da ya yanke a ranar Litinin, ya ce an samu Abubakar da laifin da ake zarginsa da aikatawa, don haka aka yanke masa hukuncin.
- An Kaddamar Da Babban Filin Wasan Da Kasar Sin Ta Gina Wa Kasar Chadi Kyauta
- Mummunan Hatsarin Mota Ya Yi Sanadin Mutuwar Mutane 19 A Kogi
An gurfanar da wanda ake tuhumar bisa laifuka hudu da suka hada da azabtarwa ta hanyar amfanin da wuta, wanda ya haifar da mummunan rauni, da kuma yunkurin kisan kai.
Da yake yanke hukunci, alkalin ya ce za a kuma yi wa wanda aka yanke wa hukuncin bulala 150, yayin da gwamnatin jihar za ta sayar da keke napep dinsa domin gyara masallacin da ya kona.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
