Kotun Daukaka Kara Ta Tabbatar Da Zaben Fintiri A Adamawa 

Kotun daukaka kara da ke Abuja, ta yi watsi da daukaka karar da Sanata Aishatu Dahiru Ahmad Binani, ta shigar tana mai kalubalantar gwamna Ahmadu Umaru Fintiri da hukumar zabe (INEC) da jam’iyyar PDP.

A matakin bai-daya da alkalan kotun uku bisa shugabancin Mai shari’a T. O. Awotoye PJ, suka yanke sun yi watsi da bukatar Binani tare da tabbatar da nasarar zaben Ahmadu Umaru Fintiri a matsayin gwamnan Jihar Adamawa.

• ‘Yan Bindiga Sun Kashe Manoma 4, Sun Sace 8 A Katsina
• Nijar Ta Cika Shekaru 65 Da Samun ‘Yancin Kai

Kotun daukaka karar ta ce kotun sauraren kararrakin zaben jihar, ta yi hukunci bisa gaskiya kan koken da ‘yar takarar kujerar gwamna karkashin jam’iyyar APC ta shigar.