Mai shari’a Inyang Ekwo na wata babbar kotun tarayya da ke Abuja, ya ki amincewa da bukatar gwamnatin tarayya na mika mataimakin kwamishinan ‘yan sanda na kasa Abba Kyari da aka dakatar zuwa kasar Amurka.
Kotun ta ce neman mika shi, cin zarafi ne ga kotun, bisa hujjar cewa Kyari ya riga ya gurfana a gaban wata kotun Nijeriya.
Hukumomin Amurka sun nemi gwamnatin Nijeriya da ta mika Kyari dangane da alakarsa da wani dan damfara na kasa da kasa, Ramon Abass, aka Hushpuppi.
