Kungiyar Kwadago Ta Tsunduma Yajin Aiki Yau Talata

Kungiyar kwadago da ta ‘yan kasuwa ta Nijeriya (NLC da TUC) sun umarci mambobinsu da su tsunduma yajin aiki a fadin kasar daga Yau Talata, 14 ga watan Nuwamba, 2023.

A wata sanarwar hadin guiwa da babban sakataren kungiyar NLC, Emmanuel Ugboaja da babban sakataren kungiyar ta TUC, Kwamared Nuhu Toro suka sanya wa hannu, an umurci dukkan ma’aikatan Nijeriya da su janye daga ayyukansu.

Sanarwar ta kara da cewa, “A sakamakon hukuncin da kwamitin zartaswa na kungiyar NLC na kasa (NEC) da TUC ya yanke, an umurci dukkan ma’aikatan Nijeriya da su janye ayyukansu daga tsakar daren Litinin, 13 ga Nuwamba, 2023.” In ji Sanarwar