Kwamishinan Benue Ya Kubuta Bayan Sace Shi Da Kwana 10

Kwamishinan yada labarai, al’adu da yawon bude ido na jihar Benue, Mathew Abo, wanda aka yi garkuwa da shi a gidansa da ke Zaki-Biam a ranar Lahadi, 24 ga Satumba, 2023, ya kubuta.

Majiya mai tushe, ta bayyana cewa wadanda suka sace Abo sun sako shi da sanyin safiyar ranar Alhamis, kuma tuni aka sada shi da iyalansa.

• Tattalin Arzikin Afirka Zai Durkushe – Bankin Duniya
• Gajiya Ce Ta Sa Na Fadi Yayin Tantance Ni A Majalisa — Balarabe

Sai dai majiyar ba ta bayyana ko an biya kudin fansa naira miliyan 60 da masu garkuwa da mutane suka nema ba.

Kwamishinan ya kwashe kwanaki 10 a tsare kafin a sake shi.