Lingard Ya Caccaki Man U Kan Yi Masa Alkawuran Karya

Dan wasan tsakiyar Nottingham Forest, Jesse Lingard, ya caccaki tsohuwar kungiyarsa Manchester United.

Lingard ya yi ikirarin cewa Man United ta sayar da shi akan “alkawuran karya” kuma watakila ficewarsa daga Old Trafford “siyasa ce.” Kawai.

• An Kafa Yankin Farko Da Zai Samar Da Iskar Gas Cubic Mita Biliyan 50 A Sin

Dan wasan mai shekaru 30 ya yi magana ne gabanin karawar kungiyarsa – Nottingham Forest da Man United a daren Talata.

“Ban san dalilin da yasa ba a sanya ni a wasanni ba (a lokacin da nake Man United). Ban san mene ne matsalar ba, ko siyasa ce ko mai dai wani abu ne, ”in ji Lingard.

“Har yanzu ban samu amsar wannan tambayar ba har yau.

“Na so ko da ace wani a can da muke tare ya bani wannan amsar ‘wannan shine dalilin da ya sa ba a sanya ka a wasa’, amma ban taba samun hakan ba.

“Alkawuran karya kawai suka yi min. Ina yin atisaye sosai, kuma ina da kwarewa, a shirye nake don buga wasannin.”