Liverpool Ta Amince Da Daukar Arne A Matsayin Sabon Kocinta A Kaka Mai Zuwa

Kungiyar kwallon kafa ta Liverpool ta kulla yarjejeniyar daukar kocin Feyernood, Arne Slot a matsayin sabon kocinta wanda zai jagoranci kungiyar a kakar wasa mai zuwa bayan da Jurgen Klopp, ya bayyana aniyarsa na ajiye aiki a karshen kakar wasa ta bana.

Yanzu haka Arne shi ne mai horar da kungiyar Feyernood, inda Liverpool ta amince ta biya kudi har Yuro miliyan 9.4 domin dauko shi daga kungiyar ta kasar Holland.

• PDP Ta Lashi Takobin Warware Rikicin Shugabancinta A Watan Agusta
• Matsalar Tsaro: Gwamnan Zamfara Ya Nanata Bukatar Amfani Da Fasahar Zamani

Liverpool tana matsayi na uku a kan teburin gasar Firimiyar Ingila wanda Arsenal ke jagoranta, Atalanta ce ta kori Liverpool daga gasar UEFA Europa da ci 3-1 a wasan gida da waje.