Assalamu alaikum masu karatu, barkanmu da sake haduwa da ku a wannan makon a cikin shirin namu mai farin jini da albarka na Ado Da Kwalliya.
A yau shafin namu zai zo muku da abubuwan da za ku yi amfani da su domin yin maganin sanyi.
Ciwon sanyi kamar dai yadda muka sani wata cuta ce da take addabar mata a wannan zamanin kuma yake hana su walwala a rayuwar aurensu, wasu har ya kan tsawaita ya kai ga ya shafi mahaifarsu wato ya kai kai ga ya hana su haihuwa.
Abubuwa bukata:
Citta danya, tafarnuwa, Kurkum Tomerik kenan, Lemon Tsami, Zuma:
Yadda za ku hada:
Idan kuka samu wadannan kaya da muka ambata, sai ku gyara cittar ki ajiye ta a gefe itama Rumerik ki gyara ta ki kankare ta sannan Lemon Tsami ki wanke shi ki yayanka shi kamar gida hudu haka sai tafarnuwa ki bare ta ki dan daddaka ta sama-sama haka. Sannan sai ki hade su gaba daya a cikin tukunya ki zuba ruwa kamar Lita biyu ki dafa ki barshi ya dan tafasa sosai, sai a rika sha sau biyu a rana wato safe da yamma. Ba wai sai ke kadai za ki sha ba hadda maigida shima zai rinka sha saboda ya yi muku magani gaba daya kar nawani ya mutu wani nasa na nan, amma idan kun yi gaba daya duka za’a samu sauki da yarda Allah za ki ga sauki sosai za ki ga yadda za ki rinka zubar da dattin yana fita sosai Allah ya sa adace
