Majalisar Dokokin Kano Ta Amince Ganduje Ya Ciyo Bashin Biliyan 10 Don Sayen Na’urar CCTV

Majalisar dokokin jihar Kano, ta sahale wa gwamna Kano, Ganduje damar ciyo bashin naira biliyan 10.

Majalisar ta amince da ciyo bashin Kuɗaɗen saboda amfani da za a yi da su wajen sanya na’urorin CCTV domin kyautata tsaro a fadin jihar.

• Tinubu Ne Basillar Dinke Baraka –Ganduje

Sahalewar ciyo bashin ya biyo bayan wata wasiƙa da gwamnan ya aike wa zauren majalisar, wanda Kakain Majalisar Hamisu Ibrahim Chidari ya karanta a zaman majalisar na ranar Laraba.

Ganduje ya ce, za a sanya na’urorin don’t magance matsalar tsaro a fadin jihar.

Rahotanni sun tabbatar da cewa, bayan tattauna batun a zauren majalisar, tuni ‘yan majalisar suka amince da bukatar gwamnan ta ciyo bashin kudaden.