Masu rike da kofin Firimiya na bara Manchester City sun yi rashin nasara a hannun abokiyar karawarsu Aston Villa a wasan Mako na 15 na gasar Firimiya ta bana.
City ta fara wasan ba tare da hazikin dan wasanta Rodri ba,wanda aka dakatar daga buga wasan bayan samun katin gargadi na biyar a wasan da City ta buga da Tottenham Hotspur a Satin da ya gabata.
- An Yanke Wa Wani Mutum Hukuncin Kisa A Zamfara Bisa Kashe Abokinsa Akan N100
- 2024: Majalisar Zartaswar Adamawa Ta Amince Da Kasafin Naira Biliyan 225
Kwallon da Bailey ya jefa a ragar City a minti na 74 tasa Aston Villa samun nasara a wasan,kuma hakan yasa ta koma matsayi na uku akan teburin Firimiya da maki 34.
City kuma ta dawo matsayi na hudu da maki 30 a wasanni 15 da suka buga a gasar Firimiya ta bana.
