Ƙungiyar kwallon kafa ta Manchester United ta nunawa abokiyar karawarta ta Lyon kwanji a filin wasa na Olda Trafford dake birnin Manchester yayinda mai masaukin bakin ta doke Lyon da ci 5-4.
Wasan farko da kungiyoyin su ka buga ya tashi da ci 2-2, amma kuma wannan wasan na yau ya matukar kayatar da masu sha’awar kwallon kafa duba da yadda duka kungiyoyin biyu su ka nuna matukar bajinta a filin wasa.
- De Bruyne Zai Bar Manchester City A Ƙarshen Kakar Wasanni
- Sin Da Malaysia Za Su Samar Sabbin Shekaru 50 Masu Muhimmanci Na Dangantakar Kasashen Biyu
Manchester United ce ta fara jefa kwallaye biyu a ragar Lyon ta hannun Manuel Ugarte da Diogo Dalot kafin Lyon dij ta farke duka kwallaye biyun ta hannun Corentin Tolliso da Nicolas Taglificao, mintuna 120 da aka buga a wasan ya sa an tashi 5-4, wanda hakan ne ya sa Manchester United wucewa zuwa mataki na gaba inda za ta hadu da Athletic Bilbao.
Bayan buga mintuna 90 ba tareda daya ya samu nasara akan daya ba sai alkalim wasa ya kara mintuna 30 domin cigaba da barje gumi a tsakanin kungiyoyin biyu, a cikin mintuna 30 din ne Lyon ta kuma jefa kwallaye biyu a ragar Manchester United kafin itama a wannan lokacin Manchester din ta jefa kwallaye uku rigis a ragar Lyon.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
